1–3 Saal Ke Bacchon Ka Diet Chart – Kya Khilayein Aur Kya Avoid Karein

Author: Sana Monis 

Introduction

1 saal ke baad bacchon ka diet parents ke liye ek naya challenge ban jata hai.

Kabhi baccha khud se khana khata hai, to kabhi ek bite ke liye bhi mana kar deta hai.

Har parent chahta hai ki uska baccha healthy aur happy rahe, especially 1–3 saal ke age me — kyunki ye age growth aur development ke liye bohot crucial hoti hai.

(Agar aap baby ke first foods ke baare me detail me janna chahti hain, to ye post bhi padhein👇)

https://sanareflectionoffaith.blogspot.com/2025/12/first-foods-for-baby-after-6-months.html

Ek maa hone ke nate maine realize kiya ki is age me bacchon ko khilana sirf pet bharna nahi hota, balki unki healthy eating habits banana hota hai.

Shuru me jab mera baccha kam khata tha, mujhe lagta tha shayad main kuch galat kar rahi hoon. Dheere-dheere samajh aaya ki har baccha alag hota hai aur har din same appetite nahi hota. Bacchon ko khana accept karne me patience aur consistency sabse zaroori hai.

Is blog me mai apna experience share karungi aur bataungi:

• 1–3 saal ke bacchon ko kya khilana chahiye

• Simple daily diet chart

• Kaun se foods avoid karna better hai

1–3 saal ke bacchon ke liye healthy aur balanced diet

1–3 Saal Ke Bacchon Ke Liye Diet Itni Important Kyun Hai?

Is age me bacche:

• Chalna, bolna aur cheezein samajhna start karte hain

• Brain aur body dono rapidly grow karte hain

• Digestion system develop ho raha hota hai

• Immunity unke diet par depend karti hai

Healthy khana bacchon ko active, playful aur happy rakhta hai.

Parents bacchon ke diet ke liye conscious rehte hain kyunki healthy diet ka matlab:

• Strong body

• Sharp mind

• Better immunity

Maine dheere-dheere seekha ki patience aur consistency se baccha new flavours aur textures accept karta hai. Comparisons se stress badh sakta hai, isliye apne bacche ka pace follow karna zaroori hai.

1–3 Years Baby Diet Me Kya Include Karein?

🥣 1. Cereals & Grains

• Soft roti (thoda ghee laga kar)

• Rice, dal-chawal

• Oats porridge

• Dalia (achhe se paka hua)

Soft aur simple khana bacchon ko zyada suit karta hai. Roti ko chhote pieces me tod kar dene se baccha khud khane me interest leta hai.

🥕 2. Vegetables (Well Cooked)

• Lauki, tori, pumpkin

• Carrot, potato

• Palak (small quantity)

Shuru me sabzi dena mushkil lagta hai, lekin sabzi ko mash karke ya dal me mix karke dena easy accept hota hai.

🍎 3. Fruits

• Banan

• Apple (boiled ya grated)

• Papaya

• Mango (seasonal)

Whole fruit juice se better hai kyunki fiber digestion aur immunity ke liye best hota hai. Bacche ko chhote pieces ya mash form me dena zyada safe hai.

🥛 4. Dairy Products

• Mother’s milk (agar possible ho)

• Cow milk (1 saal ke baad)

• Curd

• Soft paneer

Curd aur milk digestion aur bones ke liye helpful hain. Quantity ka dhyaan rakna zaroori hai.

🍳 5. Protein Sources

• Dal (moong, masoor)

• Egg (agar bacche ko suit kare)

• Paneer

• Soft cooked legumes

Protein growth ke liye zaroori hai, lekin zabardasti nahi. Bacche jab ready ho, tab interest dikhate hain.

Fruits, vegetables, dairy aur protein sources toddler diet me include karein

Sample Daily Diet Chart (1–3 Years)

Ye diet chart strict rule nahi hai. Bacchon ke mood aur appetite ke hisaab se flexibility zaroori hai.

Morning:

✔ Mother’s milk / Warm milk

Breakfast:

✔ Oats porridge / Vegetable dalia / Soft paratha + curd

Mid-Morning:

✔ 1 fruit

Lunch:

✔ Dal-chawal + sabzi + thoda ghee

Evening Snack:

✔ Homemade snack (idli / suji halwa / fruit chaat)

Dinner:

✔ Soft roti + sabzi / khichdi

Before Bed:

✔ Milk

1–3 Years Baby Daily Diet Chart | Healthy Toddler Meal Plan

You can also watch this helpful video for a clear daily diet routine for toddlers 👇

 Is video me aap 1–3 saal ke bacchon ke liye simple aur healthy daily diet routine dekh sakti hain.

1–3 Saal Ke Bacchon Ko Kya Nahi Dena Chahiye? 🚫

Junk food (chips, biscuits)

Chocolates (limit set karein)

Packed juices

Cold drinks

Zyada namak aur sugar

Parents kabhi-kabhi bacchon ko khush karne ke liye chocolates dena shuru kar dete hain. Agar shuru se hi limits set kar di jayein, to bacche future me healthy choices seekh lete hain.

Healthy Eating Habits Kaise Banayein?

Bacchon ke saamne healthy khana khayein

Zabardasti na karein

New food dheere-dheere introduce karein

Screen ke saath khana avoid karein

Jab baccha bina mobile ke khata hai, wo apne khane ko better enjoy karta hai.

Conclusion

Parenting me perfection possible nahi hoti.

Main bhi har din seekh rahi hoon, galtiyan karti hoon aur improve karti hoon.

Agar hum apne bacchon ko pyar, patience aur ghar ka healthy khana dete hain, to wahi unke future ke liye sabse badi investment hai.

Yaad rakhiye: Perfect diet nahi, balanced aur consistent diet important hai.

FAQs – 1–3 Saal Ke Bacchon Ka Diet Chart

Q1. 1–3 saal ke bacche ko din me kitni baar khana dena chahiye? 

Is age me bacchon ko 3 main meals + 2–3 healthy snacks dena best hota hai. Chhoti quantity aur frequent meals digestion ke liye better hote hain.

Q2. Agar baccha khana mana kare to kya karein?

Zabardasti bilkul na karein. Thoda break dekar phir try karein. Kabhi-kabhi bacche sirf appetite ke wajah se kam khate hain, ye normal hai.

Q3. Kya 1 saal ke baad cow milk dena safe hai?

Haan, 1 saal ke baad cow milk diya ja sakta hai, lekin limited quantity me. Mother’s milk agar continue ho sake to wo aur bhi better hai.

Q4. Kya bacchon ko daily fruits dene chahiye?

Haan, fruits daily dene chahiye. Juice ke bajaye whole fruit (mash ya small pieces) zyada healthy hota hai.

Q5. Kya egg aur paneer sab bacchon ke liye safe hai?

Egg aur paneer achhe protein sources hain, lekin har baccha alag hota hai. Pehle small quantity me introduce karein aur reaction observe karein.

Agar ye post helpful lagi ho, to please isse LIKE aur SHARE zaroor karein